影片
更多
2016-08-08
1143 瀏覽
話說時隔又一年啦，今年返黎係時候寫下食評 由於之前食左幾次飯都冇影相既緣故，今日餐晏仔終於記得影啦!呢間刀削麪係幾年前街坊廚神介紹過既餐廳，一直都未有機會去食，因為好似一直都好多人T T，今次去唔知係咪因為風氣過左唔駛點等位，我地四個人去到見到好多四人卡位都係得兩個人坐...坐低望一望menu，見到得幾款揀，就叫左個手撕雞刀削麪，老豆同細佬食過好多次，所以佢地都係叫返招牌既豬肚絲同麻辣雞翼，等左冇幾耐就黎到啦!手撕雞刀削麪: 手撕雞係另上，醃得都幾入味，有青瓜絲同雞肉絲，肉都算ok多，有麻油同醬油香味，個人覺得唔錯 至於刀削麪，絕大多數既刀削麪店都係人手製，呢度亦唔意外，我地隔住玻璃見到廚房既師傅一手拎住舊麪團一手用刀削麪，真材實料，屯門黎講係只得呢一家所謂既真．刀削麪! 好鍾意個湯底，好夠味清得黎又夠味俾啲刀削麪吸收哂啲汁，而且不得不提既係刀削麪由於下刀既深淺關係，麪身中間厚而兩邊薄，變咗可以吸到更多既湯汁而且質感夠哂煙韌。另外順帶一提，如果你係比較細食既人，咁我諗你叫一碗刀削麪加一個餸既話一個人應該會食唔哂，皆因麪身夠厚，食落好有飽肚既感覺所以其實可以兩個人SHARE一碗再加
呢間刀削麪係幾年前街坊廚神介紹過既餐廳，一直都未有機會去食，因為好似一直都好多人T T，今次去唔知係咪因為風氣過左唔駛點等位，我地四個人去到見到好多四人卡位都係得兩個人坐...坐低望一望menu，見到得幾款揀，就叫左個手撕雞刀削麪，老豆同細佬食過好多次，所以佢地都係叫返招牌既豬肚絲同麻辣雞翼，等左冇幾耐就黎到啦!
手撕雞
26 瀏覽
0 讚好
0 留言
手撕雞刀削麪
$38
35 瀏覽
0 讚好
0 留言
麻辣雞翼尖
$23
54 瀏覽
0 讚好
0 留言
今次每人除返開都係40蚊左右，雖然冇野飲，但呢個價錢食到手工刀削麪真係算係咁，得閒經過可以一試，下次有機會再去既話應該會叫個五香牛肉黎試下，睇其他食家都有推薦
題外話/補充資料：
有一點要補充既係男店員既態度唔係幾好，一坐低即刻催你落單，食完差唔多就想趕人走，呢點唔係幾專業。另外，我地果日臨走時發生咗一段小插曲，一個內地既食客因為食既中途想加單而不斷追問男店員，於是男店員發火，話食到一半係唔可以加俾佢，仲同廚房用廣東話講唔好加俾佢，而事實上係冇理由唔俾人中途加單，只係因為果位大陸食客既態度差，而男店員亦唔想做佢生意，雙方幾乎發生口角，最後大陸客亦信以為真。最後想講既係，我覺得一間餐廳最重要既係服務態度，就算你啲野食幾好食做得幾出色都好，如果你態度惡劣只會冇人再黎食，亦應該要公平對每一個客人，唔應該因為佢係大陸人就差別對待，佢亦冇做錯啲咩，希望食店可以做好最基本既接客態度。
(以上食評乃用戶個人意見 , 並不代表OpenRice之觀點。)
張貼
