田籽茶事 (已結業)

最近心情唔好，冒住暴肥的風險啪返杯珍奶安慰下自己。第一次幫襯。本來見到openrice佢有個紫薯厚鮮奶優惠好似幾吸引，去到舖頭見到佢有手作珍珠，都係轉返去飲珍奶。因為病到死死下，叫左熱飲，少糖。拎上手唔算好熱，係岩飲嘅暖，顏色都比一般珍奶深色好多，似港式奶茶咁。個人比較偏愛重奶味，未飲之前有d驚會嚡口，點知佢茶味香濃之餘，都好滑。珍珠好彈牙，又唔會韌到好難咬，好難得熱飲珍珠都咁有咬口。收銀哥哥仔竟然係真台灣人，我叫完先發現佢一臉黑人問號，先聽到佢講國語，好有禮貌，唔知係咪生意唔好，佢好落力介紹舖頭優惠同分店。like fb or ig第二杯半價，都幾抵，仲有集點卡。