真味鮮廚

營業中

休息中

放工同媽媽食飯，當然要揀中菜啦！（都唔明，佢自己都係煮中菜，出街都要食中菜，唔悶咩？）頭盤揀左皮蛋豆腐，唔會唔好味囉，開盒豆腐+1隻皮蛋，再加芝麻醬！我都5分鐘整好啦，欠少少誠意！我媽最愛食燒鵝！今次叫左半隻，即燒的，味道唔錯不過，隔離台碟例牌好似頭頭尾尾堆疊而成，就唔係咁理想啦！建議大家黎食，都好似我哋咁叫半隻會比較化算、保險！龍躉兩味：蒸班頭腩，味道唔錯，魚係新鮮的！至怕兩味俾啲死魚黎食～～所以新鮮是好重要，而且蒸魚無得呃加埋絲絲陳皮香，唔錯！龍躉兩味之蜜糖豆炒斑腩，不過不失，正常水平！整體而言，係酒樓環境有啲噪雜，但晚飯質素、價錢，是可以滿足老人家的好選擇！