點點心點心專門店 (已搬遷) 新店位置

好早前看報紙介紹此店，所以一心走嚟試吓。未食點心前，先介紹店內嘅環境，座位夠寬，坐得好舒服，唔會好似添好運這樣，迫到似沙甸魚。點心方面叫了四款，有鹹有甜，味道如下：真係菠蘿包 ，size迷你，上枱時，熱到辣嘴，包身軟綿，外皮鬆脆,內裏加了菠蘿粒嘅奶皇餡，甜甜酸酸，幾好味。滋味蜂巢糕，一啲都唔滋味，質感唔鬆軟，有點實，味道太甜，好難食。脆皮鮮蝦腸，腸粉拉得薄同滑，包住脆口嘅米網同蝦肉，口感豐富，但味道偏鹹，唔點鼓油都冇問題。 蝦餃外皮煙韌，餡料味道一般，食完好口乾，應該加了唔少味精。