首首.韓式小館 (已結業)

行完利東街見到呢間韓國餐廳都唔錯咁。就決定同屋企人試下先。雖然係星期六，但係餐廳都有提供午膳套餐選擇。而且選擇多，點餐後店員就因為我們免費送餐湯及前菜。每人各有一大舊泡菜，其他韓式料理前菜。傳統大醬海鮮湯，有濃濃既煎蝦香味。裏面既材料非常豐富，有大蝦，帶子，豆腐，青口。豆腐入口夠滑，帶子剛剛好好唔會煮老。貌相平平無其，但勝在所有食材夠新鮮，湯底夠濃夠好飲。春川石板辣炒雞肉及年糕，雞肉份量估唔到有咁多，配料都好足。年糕夠咬口，濃濃既韓國醬汁有少少辣，但係配飯剛剛好。飯粒多軟淋，最後成碗食晒。加左小小錢要左個自家製雪糕。食落去有冰感，加上黑白芝麻及合桃更加配合。