大雞食堂

營業中

休息中

去海灣仔食晏，經過電車路見呢個招牌大大個，明確係食雞嘅，就入去試吓。可能係晏晝兩點多嘅關係，唔使排隊就可入坐，餐廳入邊亦冇乜人。佢咁大隻字寫住大雞，梗係叫雞扒食啦，我哋一個叫做咖喱雞扒飯，另一個叫咗葱油雞扒飯，雞扒果然煎得好香脆，入邊好Juicy，佢嘅咖喱係馬來咖喱，唔係好辣，啱晒我唔食得，而葱油雞扒飯，佢加咗少少豉油喺個飯度特別好味，葱油亦做得出色，佢冇一般燒臘舖比嘅葱油咁咸，岩晒我唔想食咁咸的，雞扒都係好好味嘅雞扒。食完真係會掛住，會返轉頭食果種。