居酒屋·姫 (已結業)

諗住零負評就嚟試下，6:20pm左右到，成間餐廳仲有好多吉位，但我地被安排坐起廁所隔離嘅座位，我地見隔離有位就調咗位。點知waitress 走埋嚟就話張檯比人book咗，我地就話唔想坐廁所隔離，佢粒聲唔出就走咗去同另一位同事講，應該喺要重新安排位置。之後佢返嚟斟茶比我地，我地好客氣話，其實我地可以坐其他位，唔坐廁所隔離就得。佢就好黑面咁話我地可以繼續坐。點知一陣間另一個waitress行埋嚟話，下次要唔坐廁所隔離就要事前講定…喂！姐姐，我地第一次嚟，點知呢度嘅座位喺點？佢冇回應就咁黑面走開…於是我同老公一肚氣，唔order就起身走人！