影片
更多
2017-08-05
60 瀏覽
見到openrice話好食，抵食，結果今晚就黎左試下，諗住質素唔會太差，最多只係普通，點知質素差到極，一壽司竟然仲好食過佢。一埋位，叫左$69鰻魚飯，燒牛肉飯雙併，$39帶子刺身，$14鰻魚壽司一件（元氣比佢平），$32火龍卷（4件），$35軟殼蟹卷（4件），$9飛魚籽軍艦壽司一件。先飲佢d茶，好得意地係酒樓啲水仙茶，正正常常啦。等左一陣終於上菜，因為冇諗過會中曬伏，冇影到相，只影左味噌湯。首先先黎個帶子刺身，兩片帶子之間有半片檸檬，食落去……嘩，原來係分子料理黎！檸檬味帶子！一入口，好咸，好重檸檬味，口感唔軟滑，更加唔好諗住佢有鮮甜味。鰻魚飯，上面勁多芝麻，淋左少少鰻魚汁。3片超薄鰻魚，唔知有冇2mm，當下立即非常佩服廚房師父刀功，竟然可以切到薄過茶記啲檸茶檸檬片。一入口，未咬已經食到好重芝麻味，一咬，零鰻魚味，只食到平價鰻魚汁既甜味，飯係超淋，未至於粥仔咁，但好難入口，冇咬口可言！燒牛肉飯，外表同吉仔牛肉飯冇分別，完全冇“燒”過，洋蔥唔淋。牛肉味道同吉仔差唔多，只係比吉仔咸同甜，食左幾片牛肉就忍唔住挾左過對面，至於啲飯淋滿左所謂牛肉汁，牛肉汁同鰻魚汁一樣，都係好甜，總結黎講，啲飯就
一埋位，叫左$69鰻魚飯，燒牛肉飯雙併，$39帶子刺身，$14鰻魚壽司一件（元氣比佢平），$32火龍卷（4件），$35軟殼蟹卷（4件），$9飛魚籽軍艦壽司一件。
先飲佢d茶，好得意地係酒樓啲水仙茶，正正常常啦。等左一陣終於上菜，因為冇諗過會中曬伏，冇影到相，只影左味噌湯。
首先先黎個帶子刺身，兩片帶子之間有半片檸檬，食落去……嘩，原來係分子料理黎！檸檬味帶子！一入口，好咸，好重檸檬味，口感唔軟滑，更加唔好諗住佢有鮮甜味。
鰻魚飯，上面勁多芝麻，淋左少少鰻魚汁。3片超薄鰻魚，唔知有冇2mm，當下立即非常佩服廚房師父刀功，竟然可以切到薄過茶記啲檸茶檸檬片。一入口，未咬已經食到好重芝麻味，一咬，零鰻魚味，只食到平價鰻魚汁既甜味，飯係超淋，未至於粥仔咁，但好難入口，冇咬口可言！
燒牛肉飯，外表同吉仔牛肉飯冇分別，完全冇“燒”過，洋蔥唔淋。牛肉味道同吉仔差唔多，只係比吉仔咸同甜，食左幾片牛肉就忍唔住挾左過對面，至於啲飯淋滿左所謂牛肉汁，牛肉汁同鰻魚汁一樣，都係好甜，總結黎講，啲飯就係超甜又勁淋！
火龍卷，樣子正常，可惜食落一樣咁伏，一咬落去就係沙律醬味，天婦羅蝦唔脆冇蝦味我已經唔驚訝，唯一可以讚係壽司飯份量適中，但一樣咁淋！
軟殼蟹卷，樣子正常，但唔脆，更加冇可能食得出軟殼蟹既油脂香味！
至於咁多款壽司，已經唔想講，鰻魚比鰻魚飯上既鰻魚厚身啲，但唔軟滑唔香，唯一好既地方係啲骨已經去曬，其他已經唔想打，總之一樣都係伏。
最後味噌湯，我對呢間店已經再無期待，味道死咸，海帶都算多，但最離奇係有三文魚喺入面……到底想點……最後，我為左自己個腎著想，唔想得腎炎，唔飲曬佢啦……
食完10分鐘都冇，店員就好勤力咁幫我地收野，仲問我地啲野食黎齊未，好似想叫人食完就快啲走咁，但係裝水就要人叫，呢啲服務態度真係好！
食完呢餐飯，我不禁問自己，我今餐到底食左啲咩？性價比勁低，埋單$260，我真係情願去食元氣！一定冇下次！伏到核爆！
張貼
