蘇眉 (已結業)

越諗越唔抵....再三考慮後決定要劣評。想食好耐，滿心期待，以為呢個價錢，又似乎好評如潮，水準一定有返咁上下，唔會差得去邊。坐低點餐，點點下...未點完就走左去招呼另一枱熟客嗌咗一輪終於有另一位服務員落單。平均一個餐$100，沙律/湯要加$20，熱coffee latte加$20，凍嘅再貴啲。都唔緊要，來得就預咗食豪啲、食好嘢。來到2碟碟頭飯咁嘅樣，睇落同對面三和棧根本一樣。嗰幾條菜，我直頭懷疑係晏晝喺三和棧外賣食剩嘅。你起碼都俾蕃茄、車里茄之類做伴菜，都似樣啲啊⋯⋯ 外觀其次，味道又點呢？牛係ok嘅唔錯，羊腩好普通...真係太普通。整體味道唔算差，係好普通囉，完全唔值呢個價錢最後食哂先上2杯疑似係即沖嘅三花熱朱古力，而且味道較淡...難怪冇乜客人，9點左右得返我一枱就趕收工，馬上收錢趕我哋走了。中伏，好後悔。