賞島咖啡屋

營業中

休息中

星期六同老公去太子賞島咖啡屋食晚飯。Cafe有自助飲水機，可以自由斟水，而且唔駛加一，服務態度又好。我地total叫左四樣野食，四樣都好食，cafe都做到有水準既餐點。西班牙凍湯大蝦蕎麥麵呢個我地從來都冇食過，覺得好特別就叫左黎食。平時蕎麥麵都係日式做法，配西班牙凍湯食真係第一次，結果竟然都幾夾，無違和感，味道帶番茄同微辣，麵條又滑溜，夏天食一流，解暑。蒜油花椒蜆肉意大利麵蜆肉好惹味，意大利麵帶辣，成碟好好食，大讚。孜然烤羊架配自家製薯蓉、咖啡菇、沙律菜，羊架有兩件，無羶味，而且肉質軟腍，唔錯。賞島招牌芝士蛋糕果然係招牌，芝士味濃，口感好軟滑，入口軟綿綿，係好食既芝士蛋糕，作為飯後甜品好滿足。