影片
更多
2016-11-24
2888 瀏覽
今晚一行五人黎食飯。成班姊妹難得一見，點知好失望囉！首先我哋係有訂枱，打電話去訂枱嘅時候有問過呢一間餐廳同另外一間分店有咩分別，職員回答或餐牌上面有嘅嘢都一樣，似係另外一間分店有pizza，不過佢聲稱：「如果我哋想食pizza都可以照叫，因為兩間店其實好近可以拎過嚟俾我哋。」咁我哋滿心歡喜book咗七點鐘喺呢間餐廳食飯。今朝我打去同佢講要留一件朱古力蛋糕，因為其中有一個姊妹生日想準備小驚喜畀佢。點知，我哋食到7788嘅時候，先至知道冇朱古力蛋糕！職員表示只有其他兩款口味嘅蛋糕。excuse me?我今朝早問佢有冇朱古力蛋糕，叫佢哋留一件畀我嘅時候，佢哋又話有。依家準備要拎個蛋糕出嚟嘅時候佢哋先至同我講話無。仲諗住叫我地揀其他兩個味。已經唔係食邊個口味嘅蛋糕嘅問題。而係點解當時同我講話有，嚟到都冇同我講話冇，直至到最後一刻先至同我地講話冇朱古力蛋糕！？咁即係點呀？想我哋硬食另外兩個口味嘅蛋糕？我朋友嬲嬲地話唔食呢間啲蛋糕。至於呢間餐廳嘅服務好差好差好差。啲職員要三催四請先至幫我地加水。問佢哋蛋糕嘅問題又十問九唔應！至於佢哋喺電話度應承過可以叫Pizza係其他分店送過嚟呢間呢件事，我哋現場
首先我哋係有訂枱，打電話去訂枱嘅時候有問過呢一間餐廳同另外一間分店有咩分別，職員回答或餐牌上面有嘅嘢都一樣，似係另外一間分店有pizza，不過佢聲稱：「如果我哋想食pizza都可以照叫，因為兩間店其實好近可以拎過嚟俾我哋。」
咁我哋滿心歡喜book咗七點鐘喺呢間餐廳食飯。今朝我打去同佢講要留一件朱古力蛋糕，因為其中有一個姊妹生日想準備小驚喜畀佢。點知，我哋食到7788嘅時候，先至知道冇朱古力蛋糕！職員表示只有其他兩款口味嘅蛋糕。excuse me?我今朝早問佢有冇朱古力蛋糕，叫佢哋留一件畀我嘅時候，佢哋又話有。依家準備要拎個蛋糕出嚟嘅時候佢哋先至同我講話無。仲諗住叫我地揀其他兩個味。已經唔係食邊個口味嘅蛋糕嘅問題。而係點解當時同我講話有，嚟到都冇同我講話冇，直至到最後一刻先至同我地講話冇朱古力蛋糕！？咁即係點呀？想我哋硬食另外兩個口味嘅蛋糕？我朋友嬲嬲地話唔食呢間啲蛋糕。
至於呢間餐廳嘅服務好差好差好差。啲職員要三催四請先至幫我地加水。問佢哋蛋糕嘅問題又十問九唔應！至於佢哋喺電話度應承過可以叫Pizza係其他分店送過嚟呢間呢件事，我哋現場嚟到嘅時候佢哋話唔可以！
食物質素亦都很一般。價值＄148嘅牛肉漢堡包，牛肉冇肉味，冇肉汁。叫左杯Dark chocolate latte，都係流嘅，好似普通朱古力扮黑朱古力！意粉亦都好麻麻。總括而言，呢間餐廳已經列入我哋嘅黑名單。本次埋單一千一百幾。真係畀錢買難受，食完都好嬲。建議大家想受氣就過嚟食！
張貼