花樣年華

位於佐敦逸東酒店裏面有個food court，有唔同菜式嘅小店，叫完嘢食搵個位坐就可以，其中呢一間🍔花樣年華🍔係西式餐廳，除咗意粉套餐之外，仲有burger選擇，另外有手工啤，我哋就揀咗兩份漢堡，漢堡方面一個價錢就配埋薯條同沙律，嘢飲方面就要加錢🍔招牌安格斯牛肉漢堡 $128 :招牌牛肉漢堡裏面有安格斯牛肉，芝士，炸洋蔥圈，蕃茄同埋沙律醬等，另外再配上沙律，酸瓜同埋薯條，我鍾意食佢哋嘅酸瓜😍，唔係度度Burger都會有，食落係幾開胃👍🏻，包面印住餐廳嘅logo，我就嫌佢烤得唔夠脆，包本身比較腍😩，同埋有啲油，佢哋嘅重點安格斯牛肉就認真失望😩，乾得來偏硬，肉汁有冇，牛味又冇，價錢仲夠較貴，諗住招牌就試吓佢，點知非常失望😩😩🍔特色素肉漢堡 $128 :另外叫咗一份素肉嘅漢堡，反而呢份漢堡好食過安格斯牛肉，佢酸酸甜甜咁，素肉得來帶點牛味，肉質比較嫩，起碼唔難食，面層有洋蔥絲，加咗啲秘製醬汁，酸甜得來好似燒烤醬嘅味道，係唔錯👍🏻，不過食到一半幾膩，整體嚟講唔會再嚟，價錢又貴😩另外都配咗佢哋嘅嘢飲，🍹嘢飲方面唔算多，都係有檸檬梳打同埋其他汽水，啤酒嘅種類較為多