夾餸 (已結業)

好伏，兩餸飯本身都冇期待，但呢間真係食完翻唔到轉頭，不可一不可再。個湯正如其他食評所講，凍嘅，或者叫比室温暖少少。食物温度正，但味道係災難性生炒骨，顏色正常但完全冇味。白飯，硬到傻，我諗大約5-10%人會接受到咁硬嘅飯。燒肉正常，其實賣相OK。仲有個唔知咩雞槌，唔係咖哩但真係唔太食得出係咩味。就算唔計啲餸，我當你揀到其他好啲嘅餸食，個飯硬到咁同埋個垃圾中式凍湯真係唔敢叫第二次。好彩啲飯都暖嘅，否則真係會倒咗佢。