影片
更多
2024-01-26
1599 瀏覽
極度差評! 大家如果想食呢間之前, 真心要考慮下先.我地前日星期三11:45am 三個男人walk in入去食呢間火鍋點心放題, 限時2個鐘. 我地選咗最平嘅$98 plan, 個plan有送個海鮮盤的. 我地坐低咗已經即刻快快手落單叫野食, 但啲野食係黎得極度極度慢. 先係個電磁爐頭壞壞地,個爐頭校唔到大細火力, 一直keep住最大火咁滾, 問咗幾個服務員都唔識校, 又無得轉檯….最後要由資深同事先識搞, 淨係呢part已經無咗20分鐘.爐搞好但野食都仲未到, 啲湯由80%滿中火咁滾到得番40%都未有野食, 不論係火鍋配料or點心, 一樣都仲未有. 出面自助區又得番冷盤2-3樣& Mega+雀巢細杯裝雪糕, 天氣咁凍得8-10度, 唔係熱野未食就食凍野下話… 由搞爐至今等咗30分鐘, 終於有幾籠點心食, 但原來只係前面檯叫咗但無位放所以先唔要, 個服務員問我地要唔要食, 咁唯有照要啦, 即係我地30分鐘前落單嘅野食依然未到. 再等多大概10分鐘終於有我地叫嘅點心, 但只係得4籠only(每籠1件), 再黎少量肥牛&牛肉球(生), 之後就keep住等十幾分鐘黎一次野食. 個海鮮盤係臨c
我地前日星期三11:45am 三個男人walk in入去食呢間火鍋點心放題, 限時2個鐘. 我地選咗最平嘅$98 plan, 個plan有送個海鮮盤的. 我地坐低咗已經即刻快快手落單叫野食, 但啲野食係黎得極度極度慢. 先係個電磁爐頭壞壞地,個爐頭校唔到大細火力, 一直keep住最大火咁滾, 問咗幾個服務員都唔識校, 又無得轉檯….最後要由資深同事先識搞, 淨係呢part已經無咗20分鐘.
爐搞好但野食都仲未到, 啲湯由80%滿中火咁滾到得番40%都未有野食, 不論係火鍋配料or點心, 一樣都仲未有. 出面自助區又得番冷盤2-3樣& Mega+雀巢細杯裝雪糕, 天氣咁凍得8-10度, 唔係熱野未食就食凍野下話… 由搞爐至今等咗30分鐘, 終於有幾籠點心食, 但原來只係前面檯叫咗但無位放所以先唔要, 個服務員問我地要唔要食, 咁唯有照要啦, 即係我地30分鐘前落單嘅野食依然未到. 再等多大概10分鐘終於有我地叫嘅點心, 但只係得4籠only(每籠1件), 再黎少量肥牛&牛肉球(生), 之後就keep住等十幾分鐘黎一次野食. 個海鮮盤係臨cut單前先送黎, 我地前前後後叫咗52籠點心(每籠1件) & 80碟above火鍋配料, 但結果52籠點心黎咗1/3都無, 火鍋配料只係黎咗大概25碟左右, 基本上呢2個鐘食咗好少野, 最後我要食雪糕&飲野去填飽.
呢間野好無服務質素, 上菜又慢, 點熟嘅鯪魚球點心就俾個凍冰冰未蒸熱嘅, 話我地點咗生鯪魚球火鍋料…. 出面自助區無哂沙嗲醬&蒜蓉又唔refill, 樓面又培訓不足, 連電磁爐頭都未識點用. 我地都係斯文人, 全程無當面投訴or口角, 自問都食過咁多間火鍋, 都未試過有咁差劣嘅體驗. 不過公道啲講, 佢食物質素算係可以嘅, $98 plan送個海鮮盤, 火鍋&點心2個鐘任食性價比係高嘅(如果真係上菜快+食得多的話). 短期內都唔會再黎, 希望呢間火鍋點心放題可以改善下.
張貼
