丸·茶手作 (已結業)

而家喺香港，買珍珠奶茶嘅店舖成行成市，幾乎每一條街都總有一間珍珠奶茶店，非常誇張。而喺尖沙咀、銅鑼灣等等嘅鬧市區，都一定會有長長嘅人龍排隊買珍珠奶茶。今日經過呢間飲品店，見到唔係太多人排隊，咁我就決定試一試。見到有比較特別嘅桂花珍珠、櫻花珍珠等等選擇，抱着幾大嘅期望try try。點知中咗伏。我叫咗一杯鐵觀音拿鐵加桂花珍珠，本身鐵觀音拿鐵同桂花嘅味道可能唔太夾，桂花嘅花香非常之濃烈，基本上係完全蓋過左奶香同埋茶香，而且珍珠都唔夠q彈，飲飲下覺得好寡， 唔會再有下次。