CHiLL-i (已結業)

同朋友3個人去食晚飯，book左6點半諗住早d食完可以仲有時間行陣街。當日排隊等𨋢好多人，都排左3個字左右。上到去餐廳細又又淋又滑細，裝修幾舒服，雖然係開放式廚房，但一啲油煙味都冇。餐牌款式我覺得唔算多，但前菜，小食甜品都有。我地嗌左一個主菜，兩個前菜，一個小食。前菜嗌左和牛串燒同白汁蟹肉意粉卷，朋友們都好鐘意串燒，但我就鐘意意粉卷多啲。小食就係粟米手指，蒜香味十足，好食到停唔到！主菜係牛面肉，呢個真係不得了，超級好食！又淋又滑，仲有薯蓉伴碟。我地食哂以上呢d都覺得所有野好好食，所以決定再叫多個前菜試一試，就叫左鴨肝金寶，鴨肝煎得甘香，點埋側邊嘅莓果醬平衡返肝臟嘅油膩感，讚！最後就上埋個甜品拼盤，好多細細件嘅蛋糕甜品，有d蛋糕朋友同我都覺得略甜左d，但拼盤中間嘅蘋果金寶就好好食！員工服務態度又好好，好細心，食飽會問返我地意見。（所有菜名唔太記得，只係大慨，唔好意思！）朋友覺得等左咁耐𨋢都值得，絕對推薦！！！！p.s.食完見到對面果間日式餐廳好多人排隊，好想叫佢地過去試下🤣🤣🤣🤣