漢堡佬 (已搬遷) 新店位置

日日食lunch都係食茶記，真係好膩，咁岩同事買左漢堡，又幾大個喎。見佢食到係咁話好食，抵食咁，我即刻問地址去買。呢間漢堡佬漢堡真係多選擇，又有牛肉，又有雞肉，又有軟殼蟹，又有蝦，仲做埋意粉，小食。厲害！嗌左個$38元祖脆雞漢堡，再加$22薯條。麵包有用牛油先烘過，生菜同蕃茄都大片同新鮮，雞堡炸得金黃色，好厚一塊。一啖咬落去食到晒所有食材嘅味道，特別係炸雞好多肉汁，加埋醬汁嘅搭配，味道好有層次。薯條都好大份，都係新鮮即叫即炸，好香脆，番茄醬都俾咗好幾包。份量多，咁飽肚，又好食都係$60，真心抵食。