新麻蒲 BBQ (新都會廣場) (已結業)

4人豪華燒肉套餐加一個煎餅已KO我哋6人堅抵食推介~! 每人連加$180，朋友都讚好味。仲要配上任叫和菜我哋都叫咗2輪都免費即時大讚，肉用一個透明盆拿過嚟好震撼。 厚切五花肉和招牌護心肉都勁大份量，朋友讚嘩然，2款肉各有特色，五花肉有少少膏位好香有咬口，護心肉就軟熟肉味濃郁。 特選黑毛豬肩肉已切好細細的好方便，味道都十分入味，薄切特級牛舌薄切原因燒一燒就食得。 LA牛肋骨和秘制極級牛排骨係我最喜歡，油脂十足又香濃肉味，這款包上菜加辣醬最正。 頂級芝士豬肉香腸一片片薄薄，芝士勁多又濃郁。蘑菇拼盤仲有翠肉瓜，當食咗好多肉叫清下好選擇。 主食有3款我選了其中2款，石鍋牛肉伴飯，牛肉炒粉絲，份量同餐牌一樣咁多，夠熱又入味，伴飯勁足料 飲品4款水果梳打，喜歡不會得個甜字，勁解渴岩晒食燒肉時飲。 另外叫咗個海鮮蔥煎餅，份量都幾大塊，好香口又不油身，配醬汁一起食岩晒。葵芳待應仲要好快手，知我哋有需要都即時處理十分抵讚。