樂農 (已結業)

琴晚收工約咗朋友一齊去睇公司嘅慈善演唱會，未開始之前就喺灣仔附近搵咗一間素食店 ，其實之前呢間我都食過一次嘅係同事介紹，不過就係旺角分店lo~不過琴日食完先知旺角間分店原來冇左啦，d菜式感覺呢又唔油啦唔喊喇咁仲好健康添呀～而且味道仲好好添，今次見朋友病病哋又話喉嚨唔舒服咁咪想搵一間食素嘅清清哋囉~開頭呢佢地都有少少抗拒嘅，因為冇肉ge~純素，但係食完之後呢都讚口不絕又話啲嘢食好好味呀好有水準啦~特別係前菜ge有啲重慶辣味嘅粉皮呀整得非常之出色,另外個炒飯都好大碟，足我哋三個人份量，我地仲加一碟開胃嘅咕嚕肉，同埋呢間鋪頭都好貼心啦又有免費嘅wi-fi啦，仲有呢間餐廳特色之處呢其實佢係一間社企餐廳嚟嘅~咁請啲員工都係聾啞人士，所以我哋落單嗰時呢都要攞住本餐廳嘅menu指住啲圖片畀佢地落order