Lava Java 咖啡西餐廳 (已結業)

Lava Java係我喺觀塘最愛嘅食堂之一！無論食物、餐廳環境同服務，都非常高質素，令我成日有Encore嘅慾望。筆者特別鍾意食佢嘅輕食下午茶餐 – 黑松露滑蛋多士！蛋炒得好滑，加埋黑松露簡直係絕配，麵包用英式鬆餅，又鬆又軟，配搭得好好，真心大力推介俾滑蛋控！另外，呢度嘅鬆餅亦好出色，焙烘時間啱啱好，又脆又鬆化，而且唔會太甜，配埋咖啡或者紅茶絕對一流。飲品方面，無論你鍾意咖啡、朱古力定係綠茶，呢度嘅飲品喺味道同賣相都具有相當誠意，個人最鍾意叫佢個「玫瑰咖啡」；香而濃郁、少少甜、玫瑰味好香，我覺得特別適合女士飲用。