大川滬 (已結業)

星期日去咗土瓜灣買嘢,之後順便係附近搵嘢食.行咗一陣見到有間叫大川滬既餐廳,睇一睇個Menu,都好多選擇,無人反對之下我地三個人就入食. 餐廳名都講咗喺食川滬菜,當然會有我鐘意食既香辣菜式啦. 呢度除咗一般既小菜散叫,早午下午茶晚餐宵夜唔同時段都有套餐,仲開到零晨一點!鐘意出夜街嘅我又多一個選擇. 講返食物,我地三個人,叫左個杭州餚肉,小籠包,煎鍋貼,上海粗炒,川式回鍋肉,老闆仲介紹左個小炒王,同埋佢地既銀絲卷下午茶餐,個名好正!蒸嘅叫「八戒誤闖盤絲洞」,炸既叫「牛魔王硬闖盤絲洞」,呢兩款係喺銀絲卷入放入唔同既配料,加埋沙律醬(蒸)或者黑椒汁(炸)係面, 就好似熱狗咁,好有心思,非常有創意, 睇得出廚師同老闆對食物既熱誠. 就連其他食物嘅質素都好有驚喜! 杭州餚肉入口爽軟, 小籠包皮薄但唔會一夾就散,回鍋肉唔油膩,小炒王香口惹味. 全部都好有驚喜. 絕對可以返頭再試之選!