帝樂 - 德國餐廳 (美麗華廣場) (已結業)

之前一直bookmark左，見大家都話抵，淨係食個salad bar都抵。。。。琴日星期五中午去到，問一問門口waitress知道半自助兩個餐的話第二個餐半價。都幾喜出望外，但我地2個係想食豬手，所以冇得join呢個優惠。咁落左單，我地去拎自己沙律吧既食物。白湯正常普通野，沙律吧就份量少，而最想食德國腸的我只見2款腸，明明睇之前d食評唔只咁少野。。。。所以幾失望。到主菜出場啦，個豬手佢冇俾sauce我地，要我問先有，而豬手佢只係幫手切幾刀，我地把刀仔唔易再切細。我覺得比較硬，唔及beerliner 好食。最後食到2點左右，waitress 就上甜品，係brownie, 都正常少甜。最後，可能我一開頭個期望太高，所以係有點失望。但唔算唔好食。