影片
更多
2024-11-13
331 瀏覽
終於嚟咗呢度嘞😎咩話又食泰國菜？不過今次唔同㗎，呢度係Dee哥、Lokyan同Alton有份嘅明星餐廳，原本期待度唔高㗎，抱住食gimmick唔係食好嘢嘅心態，點知食物質素又真係喜出望外喎❣️泰式涼拌鮑魚 ⭐️⭐️⭐️⭐️⭐️開心仔有得食鮑魚🤤 一碟4隻鮑魚好新鮮，生熟程度剛剛好，肉質好腍一啲都唔韌❣️配搭泰式青醬好惹味！呢度嘅泰式青醬調味調得好好，唔會太辣，相信唔食得辣嘅都好易入口！冬蔭功泰式花甲乳豬鍋 ⭐️⭐️⭐️⭐️⭐️估唔到咁大份量😎 內有乳豬、花甲、青口、蝦、花枝同埋菇類😄 冬蔭功經過海鮮嘅加持，更加特顯到鮮味，我都飲咗2大碗👍🏻 第1次試乳豬放湯煮，原來可以咁正咁好味！大量花甲食極都有，計落真係勁抵食🤣 如果鍾意可以另外再叫配料，唔好浪費咗呢個咁正嘅冬蔭功湯🤤火山豬脊排骨 ⭐️⭐️⭐️⭐️⭐️朋友原來無食過火山排骨，一於陪佢食😎 火山排骨有分大份小份，所以2個人都可以點👍🏻 都係嗰句，食火山排骨就預咗食到隻手污糟晒，但就真係好滋味好好食！又酸又辣嘅泰式青醬果然係靈魂醬汁，配搭海鮮同肉類都一樣咁夾！排骨肉質軟腍易咬，我鍾意佢唔會好重豬味，推薦一定要試吓🩷
咩話又食泰國菜？
不過今次唔同㗎，
呢度係Dee哥、Lokyan同Alton有份嘅明星餐廳，
原本期待度唔高㗎，
抱住食gimmick唔係食好嘢嘅心態，
點知食物質素又真係喜出望外喎❣️
泰式涼拌鮑魚 ⭐️⭐️⭐️⭐️⭐️
開心仔有得食鮑魚🤤 一碟4隻鮑魚好新鮮，生熟程度剛剛好，肉質好腍一啲都唔韌❣️配搭泰式青醬好惹味！呢度嘅泰式青醬調味調得好好，唔會太辣，相信唔食得辣嘅都好易入口！
冬蔭功泰式花甲乳豬鍋 ⭐️⭐️⭐️⭐️⭐️
估唔到咁大份量😎 內有乳豬、花甲、青口、蝦、花枝同埋菇類😄 冬蔭功經過海鮮嘅加持，更加特顯到鮮味，我都飲咗2大碗👍🏻 第1次試乳豬放湯煮，原來可以咁正咁好味！大量花甲食極都有，計落真係勁抵食🤣 如果鍾意可以另外再叫配料，唔好浪費咗呢個咁正嘅冬蔭功湯🤤
火山豬脊排骨 ⭐️⭐️⭐️⭐️⭐️
朋友原來無食過火山排骨，一於陪佢食😎 火山排骨有分大份小份，所以2個人都可以點👍🏻 都係嗰句，食火山排骨就預咗食到隻手污糟晒，但就真係好滋味好好食！又酸又辣嘅泰式青醬果然係靈魂醬汁，配搭海鮮同肉類都一樣咁夾！排骨肉質軟腍易咬，我鍾意佢唔會好重豬味，推薦一定要試吓🩷
0 瀏覽
0 讚好
0 留言
15 瀏覽
0 讚好
0 留言
泰式涼拌鮑魚
0 瀏覽
0 讚好
0 留言
火山豬脊排骨
0 瀏覽
0 讚好
0 留言
炸豬皮
0 瀏覽
0 讚好
0 留言
張貼
