真心泰國菜館 (已結業)

同朋友行完波鞋街買波鞋，黎到女人街睇下去邊間餐廳食午餐，朋友一向歡喜泰國菜，見到呢間叫真心泰國菜館嘅泰國餐廳外觀好有泰國feel，餐牌寫住午市大特價幾吸引，所以入去試下。餐廳真係好有泰國特色，門口擺放泰國女孩木雕；一入去見到泰國皇室嘅畫像，入面裝修佈置都好有泰國feel，天花板上掛住一把把五顏六色嘅油紙傘；大象雕刻嘅掛畫手工非常細緻；牆上仲掛左好多幅泰國神像畫。泰國侍應為我地送上水同餐牌，餐牌封面係好特別嘅木雕畫，餐牌內泰國菜式種類繁多，最後同朋友叫左一人一個套餐，午餐套餐附送甜品及一杯餐飲，都幾抵食。泰式菠蘿炒飯菠蘿炒飯好香，入面有好多材料，有新鮮菠蘿肉、嫩滑雞肉、提子乾、紅蘿蔔粒、青豆、肉鬆、青瓜，炒得好香又唔會油淋淋，有菠蘿鮮味又有少少咖喱香味，香甜味道令人好開胃。泰式海南雞飯朋友嘅泰式海南雞飯，雞肉幾鮮嫩，配上泰式辣醬，油飯好香口，仲附上一碗熱湯。泰式西施椰青一人一個大椰青，椰青好大個好多水，椰汁非常清甜解渴，椰青入面仲有好多果肉。套餐附送泰式甜品雖然唔知道名字，但口感應該似係大菜糕之類，味道清清地，唔太甜，用黎做飯後甜品都唔錯。