功夫點心

營業中

休息中

食過三、四次左右，黎埋今次之後唔會再黎堂食！ 呢間分店真係街邊大排檔服務同環境都好過佢！ 食物一向我都覺得係好食嘅，但環境真係頂唔順！ 先講環境： 冷氣機滴水、地下佈滿用過嘅牙籤、垃圾都冇人理。餐具污糟又甩色，抹枱又求求其其，留低殘渣，因為橫掂都鋪張餐子所以就求其！？ 啲枱幾乎張張都生銹，門面功夫都未做足，諗深一層廚房環境都唔方好！ 再講服務員態度： 將張收據連個牌一野就飛埋黎，撞到筷子都彈起，其實行多一步放低真係咁困難！？ 作為食客，一路食一路觀察樓面服務員，真心覺得佢地辛苦，木口木面唔多出聲，最熱情已經係收銀果位，最慘又係佢，門口客人等得耐收銀呀姐首當其衝就被鬧！ 以上情景、環境出現係大排檔，我覺得好合理，但係出現係一間連鎖式點心店真係太差！ 成餐茶就係吵吵鬧鬧嘅環境入面食完～ 下次都係叫外賣！