PARK Cafe (已結業)

成日四圍飲飲食食梗係唔可以放過自己住嗰區，呢一間西餐開咗一段日子，身邊都有唔少朋友介紹，終於有機會到我試吓😋。餐湯：蘑菇湯飲落一般，冇咩蘑菇🍄香味，似係罐頭嗰種味道。香煎石斑塊芝士讚岐烏冬 $72有超強嘅拉芝🧀效果，醬汁非常掛麵，仲好creamy，有粟米粒🌽同埋野菌嘅配合令到佢唔會太膩。石斑塊🐟係真係石斑，完全符合商品說明條例，所以肉質都比較有彈性，炸完都唔會好乾身🤤。蒜香軟殼蟹意粉 $68相反呢個就相對失望，眼見有湯汁💦係底已經心知不妙，因為我預想中嘅係炒意粉形式，結果應該係高湯汁意粉咁，令意粉質地容易變淋😥。而蒜味🧄都唔係好出眾，只係淡淡略過。另外，軟殼蟹🦀炸得有啲油亦唔算好脆口。雖然有驚喜都有失望，不過唔緊要，期待下一次再光顧，試埋其他嘢再下定論🤗。