聰少甜品 (已結業)

今日超級無敵凍啊 啱曬食凍冰冰既甜品😛嘻 之前一直想試聰少甜品今日終於食到👍🏻我去既係尖沙咀分店佢做得比其他分店好既係鋪仔細細但好闊落坐得好舒服唔會將d人逼埋曬一齊👍🏻但都因為咁繁忙時間可能要係門口等等啦~我同朋友2個人就各自點左一份甜品我嗌左芒果椰果西米冰朋友就嗌左椰果椰汁西米露~嗌左冇耐5分鐘左右就上左份芒果冰超快手😳見到碗冰唔算好大但食落係超級足料 d冰應該加左芒果落去一齊打所以食落口落超綿滑同埋好濃郁既芒果味😋但一粒粒既芒果果肉就得好少 只有5粒左右 但食落勁香勁甜😭超好味 而成個冰都唔會話好甜反而有少少酸酸地好正😋而椰果方面又係比得太少😞所以好珍貴 但食落都係好甜好好味既🤤份量足而且用料都好足 價錢唔算太貴下次可以再試埋其他甜品😋