正品小館 (已結業)

幾個為食好友都覺得近期小店特別需要支持， 地區氣氛稍稍好轉即選擇到一些重災區飲飲食食。今次來到鄰近佐敦道的小菜食肆醫個肚仔。其實行經門口，見個杏汁豬肺湯 同 豉椒炒蜆已經就吸引咗入嚟。手工菜 杏汁白肺湯 入口 滑溜香甜，又要洗又要燉咁多功夫都係四十蚊有找又好味，同檯飯友嘅 杏汁花膠 一樣冇花冇假功夫十足，唔叫走寶。豉椒炒蜆 鑊氣十足，雖然唔係大大碟但粒粒有蜆肉又唔會一口沙，夠曬風味。海南雞飯 原本打算有飯落肚之選，點知入口喜出望外，淨係個油飯都已經值回票價，如果響依頭返工啲話，衣個飯真係嘅不二之選。咕嚕肉 無骨啖啖肉(可能今次好彩)，脆漿夠薄又肉嫩多汁，分分鐘好味過唔少大酒家。鹽焗馬友 配上普寧豆醬值得一讚，雖然唔係乜嘢貴價嘢，但就唔係度度有而且有又未必有咁好味。蒜蓉油麥菜 全晚最家常普通菜，不過一樣三扒兩撥畀我哋食曬。豉油王茄子 是晚焦點，外脆內軟加上依檔獨特嘅豉油王香味，個個食完都話好味。