影片
更多
2020-09-17
674 瀏覽
今日收工同老公嚟荔枝角搵食，行行下見到這間「明德清湯腩」，見門面幾光猛，店面乾淨企理，加上都有一排無食過清湯腩，就提議入去找個位置坐下來。餐廳地方不大，店內裝潢很簡單，是典型麵店格局。左手邊以方檯為主，而右手邊就放了三張圓桌，牆身上貼滿寫了菜式名字的紙牌，項目簡潔，清晰易明。先細心研究一下餐牌，原來除了主打嘅清湯腩之外，餐廳還有巴基斯坦咖喱、蕃茄濃湯、潮州粉麵、中西式飯、小食及冷熱飲品等供應。既然餐廳標榜自己係「清湯腩大王」，首選當然是店舖嘅馳名清湯腩 ($74)，另外再加點咗鹽香雞同雲吞撈麵。牛腩勁大碟，炆得非常入味，肉質有彈性，入口爽中帶腍滑。墊底的蘿蔔亦有水準，夠清甜，食落完全無渣。接著送上的鹽香雞 ($56) 賣相亦非常吸引，雞皮黃澄澄，很能勾起人食慾。挾起一件品嚐，雞肉肥瘦適中，肉質非常嫩滑，而且食落還帶一絲雞香，吃時可蘸少許薑蓉上面，更加醒胃惹味。鮮蝦雲吞撈麵 ($38) 沒想到這客撈麵嘅碟頭會咁大，估計用上了兩個麵底，分量十足。吃一口，麵條分明，麵質爽口彈牙，沒有梘水味。雲吞水準亦唔錯，外皮夠薄，紮實形靚。據店員稱，雲吞是店舖每日新鮮自家包製，入面嘅蝦肉好大粒，食落爽
今日收工同老公嚟荔枝角搵食，行行下見到這間「明德清湯腩」，見門面幾光猛，店面乾淨企理，加上都有一排無食過清湯腩，就提議入去找個位置坐下來。
餐廳地方不大，店內裝潢很簡單，是典型麵店格局。左手邊以方檯為主，而右手邊就放了三張圓桌，牆身上貼滿寫了菜式名字的紙牌，項目簡潔，清晰易明。
先細心研究一下餐牌，原來除了主打嘅清湯腩之外，餐廳還有巴基斯坦咖喱、蕃茄濃湯、潮州粉麵、中西式飯、小食及冷熱飲品等供應。
既然餐廳標榜自己係「清湯腩大王」，首選當然是店舖嘅馳名清湯腩 ($74)，另外再加點咗鹽香雞同雲吞撈麵。牛腩勁大碟，炆得非常入味，肉質有彈性，入口爽中帶腍滑。墊底的蘿蔔亦有水準，夠清甜，食落完全無渣。
接著送上的鹽香雞 ($56) 賣相亦非常吸引，雞皮黃澄澄，很能勾起人食慾。挾起一件品嚐，雞肉肥瘦適中，肉質非常嫩滑，而且食落還帶一絲雞香，吃時可蘸少許薑蓉上面，更加醒胃惹味。
鮮蝦雲吞撈麵 ($38) 沒想到這客撈麵嘅碟頭會咁大，估計用上了兩個麵底，分量十足。吃一口，麵條分明，麵質爽口彈牙，沒有梘水味。雲吞水準亦唔錯，外皮夠薄，紮實形靚。據店員稱，雲吞是店舖每日新鮮自家包製，入面嘅蝦肉好大粒，食落爽口彈牙。
另外也點了咖喱魚蛋 ($16)，魚蛋浸於咖喱汁內，大大粒，炸至金黃色，外形圓潤飽滿，入口味道不俗。外皮很香口，肉心夠彈牙，且魚味鮮濃，配上面頭微辣嘅咖喱汁，惹味非常！
食到好飽，臨尾每人再點返杯健康靚豆漿 ($7x2) 作結，豆漿甜度啱啱好，入口香濃幼滑，充滿豆香，正。
張貼
