沐白小農 (已結業)

放工行過沐白小農，見d人拎住一杯兩杯咁，我就索性去買杯慰勞下自己，順便買d返屋企請屋企人飲我就叫左杯招牌黑糖波霸鮮奶，雖然睇唔到佢鮮奶係咩牌子，但一飲都飲得出係真正既100%鮮奶，而唔係用奶精奶粉沖出黎，果然冇呃人我最欣賞佢d黑糖珍珠，基本上成杯野既甜味都係珍珠到黎，配上鮮奶，甜度岩岩好，而且珍珠口感好彈牙鋪頭周圍都有d好貼心既小提示，教大家點飲先係最好，店員係你拎飲品果陣又會再提下你，非常貼心之後就買左杯珍珠紅茶拿鐵，佢一做好拎出黎果下係有兩層顏色，睇落都幾靚，最岩用黎拎住打卡茶味幾出，珍珠都幾彈牙，同黑糖波霸鮮奶唔同既係，珍珠冇咁甜，糖味相對主要係靠奶茶，但又唔會蓋過茶味最後買左杯大甲芋頭鮮奶芋泥比例都幾多，口感香甜綿蜜，飲落都幾滑而唔會好粉，估唔到配鮮奶係咁夾，甜味都岩岩好！