原の味 (已結業)

今日朋友帶我食好野，餐廳名叫Naked，位於尖東都幾方便。望返餐牌琳琅滿目有唔同嘅菜式，有部份係傳統日本野，例如串燒同傳統壽司等等。另一部份係大膽創新嘅日式mix 西式 fusion 菜。我地叫左五串拼盤， 包括雞肉棒、鵪鶉蛋、雞軟骨、雞柳、燒大蔥。全部燒得好香口又唔會乾，其中我最喜愛係燒雞肉棒，因為味道很特別同埋裏面有雞軟骨粒粒，好有咬口。另外燒雞軟骨都唔錯，油香四溢好味道。而燒鵪鶉蛋都好得意，大蔥同雞柳就正常口味。另外，仲有野菜櫻花蝦餅，雖然食唔到有櫻花蝦，但野菜天婦羅熱辣辣都好好味。炸得好乾身，一啲都唔油膩，入口鬆化。野菜天婦羅足料又大件，配埋特製的天婦羅汁，好滿足由於創作壽司係佢地既招牌，大膽的創意食品唔係周圍有得食。所以我地每人揀左一種壽司，我叫左原之味火熖卷，佢用左三文魚、吞拿魚同埋黑色＋紅色蟹子卷起來的。上枱的時候仲會在旁邊點火，所以叫火熖卷。食起來有D辣，應該加左秘製辣汁，味道很夾。而且材料十足，我覺得魚生的份量多過飯。食落有魚生的鮮甜，辣醬汁的香，同埋蟹子脆卜卜的口感，大推。另一款係炙燒劍魚腩松露押壽司，雖然同為壽司，但佢同原之味火焰卷不一樣。劍魚腩輕輕燒過，迫左佢滿