漁民麵館 (已結業)

今日係附近搵食LUNCH，唔想食飯，不如食個麵餐廳環境都幾舒服新淨見餐牌都幾多選擇，因為今日唔太想食飯，所以就同朋友叫兩個麵試試咖哩牛腩撈粗麵 ! 呢個就真係正啦，牛腩份量都幾多，望落唔好以為麵既份量少，其實都幾多架，只係個碗真係大左小小渣，另外重附有一小碗清湯，可以比客人自行調節乾濕度撈粗既口感真係好好，因為麵有口感有韌性，食落果陣個感覺比較豐富，咖哩汁都容易掛上去多D牛腩除左以肉為主之外，重有幾件筋位，食落口感有張力，加上濃厚既咖哩汁，味道非常唔錯黎得漁民麵館，點都要試返個漁民湯麵，係咪都影得幾靚呢當中有大大件好香味既冬菇，喜歡食冬菇既朋友就岩曬啦，因為宜家市面上既湯麵真係唔多地方有冬菇架呢個麵就跟返普通既冷麵，因為湯麵既話，幼麵就比較合適，配合比較清但又濃厚既湯底，呢個選擇唔錯我知道就揀左杯桃膠茶烏龍茶，呢個夠特別啦掛真係，桃膠本身係比較貴既食材之一，市面亦比較罕有將佢配合係飲品當中，所以感覺點都要試試，而呢度所用既亦係外賣杯裝，飲唔曬都可以拎走，繼續飲真係好多桃膠架，口感好正，正過下下食珍珠奶茶D珍珠先啦 !