影片
更多
2024-08-11
2847 瀏覽
🌟經過北角七姐妹道見到有間餐廳叫店小二，店名好盞鬼😆入到店內，裝修有小小西式元素，播住輕音樂，整體好有氣氛。晚飯時間不停有人入座，最後全場爆滿😮勁熱鬧😍🦐黃金蝦兩食上枱勁香咸蛋黃味，黃金蝦超邪惡，咸咸香香又脆又夠味🤤另外有一籃牛角包配咖哩，牛角包好鬆脆，咖哩超惹味，小小辣，入面有好多蔬菜，配牛角包一流👍🏻🦁小二迷您獅子球樣子雖小，但暗藏玄機😍一打開入面原來有原隻鮑魚仔，好腍好入味。肉球鬆軟有肉香。🐟花雕雞油蒸馬友雞油蒸創意十足又出奇地夾，馬友好鮮甜，但又有雞的味道，再放左華火腿蒸，有齊三種鮮味👍🏻職員上枱時會幫手起肉，好有技巧😁🍢自家制手打牛丸超鮮味又彈牙，好濃牛肉味。湯底都好好飲，好清甜牛骨味。🥢蒜蓉素翅蒸扇貝用素翅蒸又係比較特別，素翅彈牙有口感。扇貝好新鮮大隻。🌟總括嚟講，餐廳食物質素好高，仲有好多特色有驚喜心機菜。餐廳氣氛好熱鬧，同朋友聚會一流👍🏻
🌟經過北角七姐妹道見到有間餐廳叫店小二，店名好盞鬼😆入到店內，裝修有小小西式元素，播住輕音樂，整體好有氣氛。晚飯時間不停有人入座，最後全場爆滿😮勁熱鬧😍
🦐黃金蝦兩食
上枱勁香咸蛋黃味，黃金蝦超邪惡，咸咸香香又脆又夠味🤤另外有一籃牛角包配咖哩，牛角包好鬆脆，咖哩超惹味，小小辣，入面有好多蔬菜，配牛角包一流👍🏻
🦁小二迷您獅子球
樣子雖小，但暗藏玄機😍一打開入面原來有原隻鮑魚仔，好腍好入味。肉球鬆軟有肉香。
🐟花雕雞油蒸馬友
雞油蒸創意十足又出奇地夾，馬友好鮮甜，但又有雞的味道，再放左華火腿蒸，有齊三種鮮味👍🏻職員上枱時會幫手起肉，好有技巧😁
🍢自家制手打牛丸
超鮮味又彈牙，好濃牛肉味。湯底都好好飲，好清甜牛骨味。
🥢蒜蓉素翅蒸扇貝
用素翅蒸又係比較特別，素翅彈牙有口感。扇貝好新鮮大隻。
🌟總括嚟講，餐廳食物質素好高，仲有好多特色有驚喜心機菜。餐廳氣氛好熱鬧，同朋友聚會一流👍🏻
張貼
