泰越概念 (已結業)

前排阿媽想食泰國菜，又想近近地唔想去咁遠。去左銅鑼灣一間新開張嘅商業大廈去食泰國菜。環境好寬敞坐位鬆動，裝潢簡潔，新式泰國菜主要都係帶有少少歐陸式裝修，唔會再有兩個泰國公仔擺門口啦鮮蝦柚子沙律一盤有大概八九隻熟蝦，味道酸酸甜甜，但唔會味道過火。柚子醬汁好開胃，柚子肉一絲一絲甜酸爽口，配上生菜絲，好容易海鮮冬蔭公餐廳有分位上定兩至三人分量，點了二三人份量，可分為四至五小碗。雖然湯水唔算多，但海鮮充足，三隻大蝦三四隻青口大大隻。冬蔭公比較辛辣，要酷辣人士飲用。另外，有用蠟燭用小鍋保暖，唔會吹凍哂，服務貼心。石鍋蟹肉五谷飯呢個飯比起一般泰國菜嘅麵飯清淡，有栗米貼唔同種類嘅飯，食起上黎好有口味，蟹肉沒有特別加調味，但飯粒好乾身，粒粒分明，用石鍋鍋上，食食下會開始有飯焦，兩種口感嘅飯都可以試到。甜品當然唔少泰式糯米飯椰漿另上，可以自己控制甜度。白色同紫色糯米混合，唔使再揀要咩色。