吞POT 雞煲火鍋.住家菜 (譽發廣場) (已結業)

阿女鍾意飲魚湯，自己煲好麻煩，鄰居介紹旺角吞POT 雞煲火鍋.住家菜，湯底招牌鮮魚湯鍋好正，真材實料抵過自己煲，之後仲可以打邊爐。今晚就帶埋阿女去試吓！招牌鮮魚湯鍋，一大鍋奶白色的魚鍋上檯，用明火煮返滾就飲得，陣陣魚香味四溢，鍋內有不少豆腐、秀珍菇、蕃茄。飲得出鮮魚湯以優質鮮魚熬製而成，鮮魚精華徹底融入湯中，並不含脂肪，鮮甜美味！還有滑滑的豆腐、爽口的秀珍菇，這營養豐富的魚湯抵過自己買料煲！之後加湯打邊爐。西班牙頂級黑豚豬梅肉，肉質鮮嫩、脂肪分佈均勻而不油膩，肉汁豐富，打邊爐最佳之選。自創爆芝響鈴， 即叫即炸，於腐皮中間加上芝士，炸至金黃色，放於湯中碌2至3秒，外面吸收晒湯既精華，入面香脆和帶有芝士既軟滑，層次豐富。