花果山 (已搬遷) 新店位置

登打士街不嬲都多珍珠奶茶店，但呢間新開嘅花果山就與別不同，因為佢係主打榴槤、新鮮水果、茶，健康過一般珍珠奶茶好多而且店舖入面仲有幾張高枱，可以唔洗一路行一路食，環境舒適雖然我唔好榴槤，但仍然有好多選擇！喺鮮果系列同冬日系列咁多選擇入面，我就揀咗呢杯紅柚四季春（少冰少甜）。裡面有不少紅柚肉，果肉新鮮，加上四季春嘅茶香，既健康又好味。另外叫咗呢個西班牙油炸鬼churros！香港唔喺太多地方有得食，所以馬上就落咗單。榴槤愛好者可以揀㨨槤，我就叫咗椰子味。油炸鬼即叫即炸，熱辣辣送上加上特製椰子汁，又好夾喎！外脆內軟嘅churros，馬上比我食晒哈哈！地點就腳，又可以一試清新嘅茶飲，係近嚟值得推介嘅店！大家認住呢個大大個「花果山」招牌喇！