Tea Library (已結業)

同朋友lunch同放工個陣，行過經過tea Library嘅時候真係覺得好香，成日都會有浸茶香飄出嚟，今日同朋友放工就一齊買咗杯，最好嘅地方係佢有得邊坐邊飲。室內比我感覺好文青好適合打卡用。我叫咗雪梨極品鐵觀音，飲落鐵觀音味好香唔會苦澀，又有淡淡嘅雪梨清甜味 感覺好滋潤，兩者味道平衡得好好唔會互搶味道，又唔會太甜。朋友叫咗藍莓珍藏普洱，普洱飲落好順口同埋真係特別香濃，藍莓味帶啲酸甜 同普洱浸香味好夾，都唔會太甜。