谷芋 (已結業)

由紅磡行過去黃埔, 已經流哂汗...炎炎夏日, 梗係要飲下凍野消暑, 見到呢間個門面好吸睛, 粉紅粉紅, 就埋去睇下!仲有部夾公仔機, 大人細路都咁like!呢度其中一樣主打既飲品係加左新鮮手作芋泥, 好特別.芋霸布能一啖飲到哂芋圓珍珠, 芋泥同豆花, 好足料.D芋泥唔會好甜, 食到啖啖芋頭香味~珍珠煙韌, 有咬口, 飲完成杯仲好有飽肚感XD要用D力水先可以搞得勻~芒果白虎奶蓋好refresh! 芒果沙冰香甜, 打得好細滑, 唔會咬到有碎冰~加埋D香滑既芝士奶蓋, 同豆腐布甸, 口感好豐富!店鋪唔算好大, 但有個咁靚既background for影相, 正!