鯛魚魚湯專門店 (已結業)

呢間鯛魚魚湯專門店，絕對係鰂魚涌嘅人氣之選，平時lunch time經常都大排長龍， 咁受歡全因佢哋嘅招牌鯛魚湯，出曬名真材實料！海膽湯飯($138)嚟到呢度，必試鯛魚魚湯飯，今日主菜點咗海膽。 湯飯以鐵鍋盛載，下面加個小火爐，保持湯底溫度。海膽份量十足，老闆教路，將熱騰騰嘅魚湯淋上海膽，再將海膽連同泡飯、配料一同入口，海膽同魚湯嘅鮮味互相輝映。鯛魚湯加入蔥花、海藻、芝麻、木耳等配菜，味道層次更上一層樓。