潮州人 (已搬遷) 新店位置

第一次幫襯呢間小店，試咗花膠湯飯、肥牛湯飯同醉鷄翼米粉。花膠湯底清甜無味精，原隻花膠冇花冇假。本來以為無驚喜嘅肥牛竟然用厚身有口感又唔肥嘅部位，似牛冧肉，湯底一點肥膩感都冇。家中嘅牛魔王都話似高質火鍋材料🤤。至於醉鷄翼就好入味，酒味濃郁。幾款湯底都差不多同飯全部食清😬。不過每碗材料份量略嫌重質不重量，胃口大嘅可能唔夠喉，店主可考慮有加大份量揀就更好。雖然店舖地點少少偏僻，但值得再去試埋其他幾款湯料。不枉我行咁遠去幫襯，希望遲啲有聯繫外賣app送外賣就更方便。