華嫂冰室 (棉登徑) (已搬遷) 新店位置

之前一直都係食開灣仔嗰間華嫂冰室，今次喺附近就決定試吓呢間尖沙咀嘅華嫂冰室，呢間餐廳距離地鐵站都可以話係幾近，不過一啲食飯時間例如午餐時間就可能真係要排隊同埋搭枱，一個人去食甚至要一張圓枱隔開4份咁樣坐，都真係有啲迫。今次食嘅就係佢哋非常之出名嘅蕃茄湯底通粉，加上鹹牛肉同埋炒蛋作為配料。佢哋嘅蕃茄湯底真係真材實料，食得出係用蕃茄煲出嚟嘅，蕃茄味非常之濃郁得來亦都有啲果肉，酸酸甜甜配上一啲鹹嘅配料例如鹹牛肉成個感覺就非常之平衡，再加上炒蛋亦都掛上左蕃茄夜香味，係一碗非常出色嘅通粉，希望下次可以試埋佢哋其他嘅菜式。