影片
更多
2017-12-21
89 瀏覽
嚟到12月尾，聖誕節氣氛咁濃厚，一於嚟食返個cheese fondue慶祝一下係fb見到呢間好吸引，啲芝士拉芝咁，又近地鐵站，一於嚟試試佢！叫咗個芝士火鍋二人set(原來晚市6pm後先有)，兩杯嘢飲upgrade咗一杯係薄荷白朱古力，淡淡嘅薄荷味配埋唔會太甜嘅白朱古力，上面有新鮮打嘅cream同埋棉花糖，暖笠笠好有聖誕嘅感覺sweet sweet 咁，啱哂同情人一齊嚟飲另外朋友叫咗一杯抹茶鮮奶，我哋冇話特別鐘意啲咩公仔，而佢就拉咗隻貓俾我哋，幾得意如果有鐘意嘅卡通(例如三眼仔，大眼仔)不妨同侍應講埋，相信都可以整到俾你芝士爐都幾大，本身個餐已經有好多配料，有蝦，雞排，薯條，法包粒，車厘茄，西蘭花同埋玉米筍，而我哋就另外加咗個ham好多食材本身已經grill 過，雞扒粒仲有香草味，所以點埋芝士一齊食好正芝士味道好濃，鐘意芝士嘅人一定唔會失望之前都食過pizza hut, spaghetti house嘅芝士鍋，呢度嘅芝士係最多，唔怕唔夠食，亦唔會太稀，可以掛上啲食物上面薯條係新鮮炸好熱辣辣嘅，啲芝士好濃，真材實料，可以圍上厚厚嘅一圈，打卡啱哂食到後尾我哋技術開始掌握到，就一於係咁繞圈圈，
係fb見到呢間好吸引，啲芝士拉芝咁，又近地鐵站，一於嚟試試佢！
叫咗個芝士火鍋二人set(原來晚市6pm後先有)，兩杯嘢飲upgrade咗
一杯係薄荷白朱古力，淡淡嘅薄荷味配埋唔會太甜嘅白朱古力，上面有新鮮打嘅cream同埋棉花糖，暖笠笠好有聖誕嘅感覺
sweet sweet 咁，啱哂同情人一齊嚟飲
另外朋友叫咗一杯抹茶鮮奶，我哋冇話特別鐘意啲咩公仔，而佢就拉咗隻貓俾我哋，幾得意
如果有鐘意嘅卡通(例如三眼仔，大眼仔)不妨同侍應講埋，相信都可以整到俾你
芝士爐都幾大，本身個餐已經有好多配料，有蝦，雞排，薯條，法包粒，車厘茄，西蘭花同埋玉米筍，而我哋就另外加咗個ham
好多食材本身已經grill 過，雞扒粒仲有香草味，所以點埋芝士一齊食好正
芝士味道好濃，鐘意芝士嘅人一定唔會失望
之前都食過pizza hut, spaghetti house嘅芝士鍋，呢度嘅芝士係最多，唔怕唔夠食，亦唔會太稀，可以掛上啲食物上面
薯條係新鮮炸好熱辣辣嘅，啲芝士好濃，真材實料，可以圍上厚厚嘅一圈，打卡啱哂
食到後尾我哋技術開始掌握到，就一於係咁繞圈圈，張個麵包粒係咁轉係咁轉
以為佢轉到咁上下會自己斷，點知唔係，都係要我哋用刀切斷
整到好似拔絲麵包咁
最後上埋個pasta，叫咗香辣大蝦意粉
兩隻蝦都好大隻好足料，而且唔辣，微酸嘅蕃茄醬入面仲有粒粒蝦乾，好香口，配埋香草，呢個意粉為呢個餐生色不少
而且兩個人食啱啱好，份量都唔會太少
overall嚟講呢度俾人感覺乾淨，唔似其他café，餐牌好新淨
而且播嘅音樂係英文情歌，幾舒服
希望下次聖誕嚟再擦餐勁嘅，試埋佢嘅黑松露芝士鍋，或者係食甜品朱古力鍋
張貼
