妹記生滾粥品

營業中

休息中

呢食咗幾餐生日飯，其中兩餐仲要係放題。瘋狂咁食之後，今日想清清地食番個粥。<妹記生滾粥> 係花園街街市上面。雖係係佔其中2個檔口，但 lunch time 黎見到大部人都係幫襯佢。以港式粥品主打為主，款式選擇好多。肉丸牛肉粥 $36 - 粥底好綿，粒粒米都爆晒花，米香好濃。肉丸係手打，所以口感爽嫰彈牙，加埋牛肉嘅鮮味，真係真材實枓。炸油條 $11/碟，香滑腸粉 $15/碟 - 呢度油炸鬼唔係原條上，係切好晒用碗上，方便食用。油炸鬼唔會食落唔會成口油，仲脆卜卜，好香口，送粥一流。而腸粉就比較普通，無特別。