影片
更多
2011-12-14
23 瀏覽
位於灣仔譚臣道嘅 <冰‧讚>，由香港人老闆陳生及台灣人老闆娘陳太開設。 佢哋發覺台式飲品如珍珠奶茶喺香港大受歡迎，近好幾年來台式飲品開到成巷成市！ 為何不將台式甜品引人香港？可能大有機會發圍呢？！ 沿電車路行，見到 <福臨門> 轉入譚臣道，見到橙紅色門面嘅小店 <冰‧讚>，十分搶眼！ 店子裝潢以簡約為主，橙色、白色、黑色紙皮石牆上貼上特色甜品相片，增添色彩！ 令大家想到七彩繽紛嘅甜品，食起嚟份外醒神啲！ 我總數幫襯咗五次！每次都有驚喜！ 每次店內都有一些轉變！不斷加入新元素！ 店員服務不錯！很友善！ 聽店員講，放工後及晚飯後較多食客，而多數食客為 80 後！可想而知！年輕一代亦喜歡嚐試新口味甜品！ 反正一場嚟到，一於試吓既特色又地道風味嘅台式甜品！ 愛玉冰 $26從報章雜誌提及到，連蔡瀾亦讚呢度嘅愛玉冰夠正宗！既然難得有機會喺香港食得到，我都要試吓！購自台灣嘅愛玉籽，剝開係透明愛玉；驟眼看好似 Jelly、大菜糕及蒟蒻。質感倒是截然不同！愛玉好滑！真面目透明略帶一點點，( 請見相片 ) 冰冰涼涼！未及大菜糕嘅硬身，有點似軟腍嘅Jelly，
沿電車路行，見到 <福臨門> 轉入譚臣道，見到橙紅色門面嘅小店 <冰‧讚>，十分搶眼！ 店子裝潢以簡約為主，橙色、白色、黑色紙皮石牆上貼上特色甜品相片，增添色彩！ 令大家想到七彩繽紛嘅甜品，食起嚟份外醒神啲！
我總數幫襯咗五次！每次都有驚喜！ 每次店內都有一些轉變！不斷加入新元素！
店員服務不錯！很友善！ 聽店員講，放工後及晚飯後較多食客，而多數食客為 80 後！可想而知！年輕一代亦喜歡嚐試新口味甜品！
反正一場嚟到，一於試吓既特色又地道風味嘅台式甜品！
愛玉冰 $26
從報章雜誌提及到，連蔡瀾亦讚呢度嘅愛玉冰夠正宗！既然難得有機會喺香港食得到，我都要試吓！購自台灣嘅愛玉籽，剝開係透明愛玉；驟眼看好似 Jelly、大菜糕及蒟蒻。質感倒是截然不同！愛玉好滑！真面目透明略帶一點點，( 請見相片 ) 冰冰涼涼！未及大菜糕嘅硬身，有點似軟腍嘅Jelly，亦無蒟蒻嘅甜味，毫無味道可言！不太討好！加上像檸檬酸嘅糖水，酸中帶微甜，但係愛玉仍然唔入味！
八寶湯圓 $30
八寶就包括：珍珠、湯圓、芋圓、地瓜圓、花生....等，其中芋圓係自家製！芋頭加上麵粉搓成， size 如細粒棉花糖，口感帶點煙韌，亦不失芋香！相當正宗台式風味！換上薑湯底，跟燒仙草口感不同！薑湯辣味適中！令人一食愛上！食完成碗，真夠飽肚！如果，寒冬食更是最好不過！
燒仙草 $28 等上大約 15 分鐘，頗花時間等候！若果趕時間，千祈唔好叫！燒仙草係台灣著名小食之一，特意一試！ 12 款材料之中，任選 5 款，包括：珍珠、湯圓、花生、紅豆、綠豆、芋圓、蜜豆、蒟蒻、地瓜圓、....等。 珍珠及湯圓煙韌中帶點軟糯，蜜豆個 Look 好似紅腰豆....仙草本身有中藥味，味甘帶苦！ 不論顏色與口味，與涼粉有幾分相似！煲熱咗嘅仙草 ，質感濃稠如漿糊，漸漸地.....凝固， 幾似凝固中嘅Jelly，真有趣！ 配料黏住仙草，亦受甘苦味影響，我實在食唔慣！
後來，得知燒仙草好健康，漸漸地我都接受其味道！
芋圓牛奶仙草凍 $26
仙草凍係將仙草汁冷卻，去暑意之餘亦帶來涼意！ 賣相好似涼粉咁啡黑色，不過，味道甘甘地少甜，比較涼粉容易入口！有點似食緊 Jelly ，腍腍地！滑不留口！一啜即跣入喉嚨。 芋圓在上述八寶湯圓已祥述，其煙韌質感，夠咬口！
芋頭仙草凍$ 26芋頭頗大件，入口夠粉腍！略帶微甜！仙草凍呈絲狀，食起嚟其實有點論盡！好易跣番落碗度！ 作為一個健康下午茶都 OK!
玉米豆花 $18豆花系列有 12 款，由 $14 ~ $26；包括：白玉豆花、蜜豆豆花、芋頭豆花、蕃薯豆花、冰讚雜果豆花、.....等。加 $3 可選一款配料：珍珠 / 脆玉米片 / 五色彩糖 / 彩色軟糖 / 淡奶 / 花生。豆腐花比預期中大兜！ 好滑溜！ 淡味中食得出有濃濃豆味；不過，質感比較稀薄些少，唔同普通豆腐花！ 玉米份量多，而且又清甜！
脆豬仔 $10 ( 配：奶油 )Size 比預期大呀！成個漢堡飽咁大！ 可配：奶油 / 奶醬 / 油占 / 花生醬占。真係好脆架！ 唔係講笑！ 食到成枱好多麵飽碎！哈哈！ 帶微咸嘅豬仔飽，配上奶油及牛油，充滿牛油香！實在滋味不已！
我覺得台式甜品都幾好食，唔使獨沽一味食港式甜品，有時試多啲口味都不錯呀！張貼
