B.Duck & Buffy 德記茶樓 (已結業)

發現咗...旺角呢間好靚嘅餐廳，全店佈滿B Duck嘅公仔．裝飾，我絕對相信，嚟呢度嘅食客，必定會比相機食先。我同朋友揀咗個二人餐，原桶「鮑魚香菇滑雞飯」大大舊滑雞，啖啖肉，件件都無骨。配埋鮑魚感覺更珍貴。「火焰叉燒包」賣相好靚，每款點心都好精緻，真心好睇又好食😍「蟹膏燒賣皇」上面舖滿蟹膏，好味😋食完呢餐飯，發現影咗好多相，因為環境同食物都真係太靚。坐得好舒適，下次會帶埋小朋友嚟，大人都食得咁開心滿足，小朋友嚟到一定會更興奮。