梁記餃子麵坊 (已結業)

放工問同事元朗附近有咩好食，想食啲清清地又飽肚既野，近排食得太過heavy，咁我同事就suggest 去食湯餃。 梁記係朗屏西鐵站附近，行5分鐘左右就到。我叫左個雙拼餃子，要左白菜餃同韮菜餃。一碗雙拼34蚊有9-10粒餃子。我見到佢地真係隻隻都係用人手包架好考功夫，睇得出好有誠意。白菜餃餡肉同菜比例配搭好好，勁鮮甜唔會一咬就散哂。韮菜餃適合較重口味既人，每隻都味道濃郁，勁飽滿。佢仲有好多其他出面好少見既餃子，青瓜餃南瓜餃咁，下次一定要黎試下