麵屋一京 (已結業)

深水埗搵食好多地方，拉麵好多時都諗起西九龍中心果間越做越不復當時嘅隱家所以當朋友話深水埗食拉麵我真係打左個突 ; 點知最後係我比佢大大巴星落黎，因為真係好食！有驚喜呀！位置又係收埋喺咩汝洲街福華街果類排檔後面，所以開頭真係冇期望架舖頭簡潔中帶些少和風，日本藉老闆熱情招待入座。坐低後聞聞下濃厚豬骨湯香，我越來越深信呢間好野黎！拉麵個湯係超香甜醇厚豬骨加上背脂，每一口充滿油香，怕肥但又忍唔住一啖飲完又一啖呀！溏心蛋好正，當然我都好醒目地快快手食哂先，以免俾熱湯影響。可能會有人覺得佢呢種叉燒好散碎，但我反而好鍾意食一黎冇咁多脂肪位，二黎薄薄地，掛少少湯入口..真係一流呀！價錢？合理抵食過你去豚王囉！不過咁，食完半個鐘之後我就口渴足幾個鐘呢個位真係扣分..我仲會比多次機會你嘅一京，唔好令我失望呀！