八一蕃巴蜀烤魚店 (鱟地坊)

營業中

休息中

近排成日去荃灣食嘢，有時突然想食重口味嘅嘢，記得有條街有幾間烤魚，當中有間條魚唔係用油炸嘅，係用新鮮魚現烤嘅，非常吸引☺️餐廳唔算好大，不過干淨企理，坐得都好舒服，空間感夠大，啱晒幾個朋友一齊食飯飲酒。佢口味好正宗，價錢又唔貴，朋友唔係好食得辣，所以揀咗蕃茄味。佢嘅配料勁豐富，全部都係送嘅，根本唔需要額外點太多嘢，有蕃茄、西芹、豆芽、洋蔥、腐皮、粉皮。。。我哋要咗細邊，兩個人都好夠食。我哋淨係加咗份竹笙打邊爐，因為我真係好鍾意食佢😍除咗烤魚，我哋仲試咗兩串串燒，羊肉串好惹味，鍾意食羊嘅人一定要點。另外，燒鰻魚都好好味，好肥美，值得一試，配上1664，正呀😆