來泰巷

營業中

休息中

一行入來泰巷已經好鍾意，成間店都顯示同社區有緊密連繫，牆上面畫有社區地圖，每張枱旁邊都放咗唔同單位製作嘅社區印刷品，食客睇嚟亦以熟客居多，一路食一路同店員閒話家常，成個 vibe 超正💜。叫咗個來泰巷咖哩雞麵，咖哩汁杰身椰汁味濃唔太辣，係我鍾意嘅味道。碗麵雖然只有一隻雞髀，但 size 都唔細，仲啖啖肉，好食。跟餐仲有碗蘿蔔湯，正常味道，清清哋，正好中和濃烈嘅咖哩味。我最鍾意試奇怪嘢，於是叫多杯粉紅飲品😆。店員話入面係梳打，蛇皮果，奶同糖水，佢見我話唔鍾意太甜，就落少咗糖水。杯嘢勁粉紅，本來有啲可怕，但飲落又ok喎，唔識形容個味道，不過我諗唔落奶可能更清新更好。店員哥哥話呢個配方係泰國人教，如果我下次再叫可以試下走奶喎😆。