影片
更多
2018-07-29
1410 瀏覽
現在好多自稱私房菜嘅地方，其實都係等於一間餐廳，都係已經定好套餐A,B,C，人少食A餐，人多食B餐，比貴D食C餐，而套餐內容全部系基本野，可以喺外面其他餐廳/酒樓食到，而且十年不變，都唔係真正私房菜。噚日一大班朋友聚舊，由其中一個朋友負責搵地方，終於享受到真正私房菜。而且十幾人每人幾百蚊(唔包酒)就可以包場。呢間餐廳喺荔枝角，喺正明愛醫院門口，招牌大大個，間餐廳光猛，舒服。它有幾個好處。第一、包場唔貴。第二、可以自己帶酒唔收開瓶費。第三、門口可以泊車。最重要係我哋食嘅嘢係度身訂做，外面食唔到(起碼我自己未食過)。我哋有個朋友唔食五葷(其實我都唔知咩叫做五葷)，佢都可以特登做幾個菜出來就我哋朋友。- 自家手工製歐式吐司- 巴拿馬火腿黃金瓜- 話梅啫喱聖女番茄- 百香果醬汁伴紅菜頭沙律菜- 花鵰醉雞卷- 黑醋蘋果鵝肝- 芝麻葉胡椒豬腩紫米飯- 冰花煎餃- 紙包魚- 盬烤雞- 油封班蘭豬仔肶- 片片牛小排配創意中式醬汁- 牛油白洒黑松露鮮菌意粉- 薑汁芥籣芝蔴豆醬- 茉莉橙蛋糕人未到齊先，先食住麵包吐司，我朋友另外叫左個Scone試。佢哋啲麵包和Scone係自己做, 啲歐包唔會太硬但有韌性，
噚日一大班朋友聚舊，由其中一個朋友負責搵地方，終於享受到真正私房菜。而且十幾人每人幾百蚊(唔包酒)就可以包場。
呢間餐廳喺荔枝角，喺正明愛醫院門口，招牌大大個，間餐廳光猛，舒服。
它有幾個好處。第一、包場唔貴。第二、可以自己帶酒唔收開瓶費。第三、門口可以泊車。最重要係我哋食嘅嘢係度身訂做，外面食唔到(起碼我自己未食過)。我哋有個朋友唔食五葷(其實我都唔知咩叫做五葷)，佢都可以特登做幾個菜出來就我哋朋友。
- 自家手工製歐式吐司
- 巴拿馬火腿黃金瓜
- 話梅啫喱聖女番茄
- 百香果醬汁伴紅菜頭沙律菜
- 花鵰醉雞卷
- 黑醋蘋果鵝肝
- 芝麻葉胡椒豬腩紫米飯
- 冰花煎餃
- 紙包魚
- 盬烤雞
- 油封班蘭豬仔肶
- 片片牛小排配創意中式醬汁
- 牛油白洒黑松露鮮菌意粉
- 薑汁芥籣芝蔴豆醬
- 茉莉橙蛋糕
人未到齊先，先食住麵包吐司，我朋友另外叫左個Scone試。佢哋啲麵包和Scone係自己做, 啲歐包唔會太硬但有韌性，好有口感，好食，味道好似成日排長龍賣歐包嗰間店。完來佢哋嘅歐包，可以一個個買走，唔一定要堂食。
再嚟番茄啫哩和巴拿馬火腿哈密瓜。番茄配啫哩冰冰涼涼，酸酸味味，番茄同啫哩好夾，好一個開胃菜。巴拿馬火腿哈密瓜就比較大路，無咩特別。
沙律菜新鮮，食落索索聲，個sauce好味。
跟住就系醉雞卷，有酒香但唔會太濃味，外面通常都係食醉雞，唔係醉雞卷，而且有啲一系酒味道好淡，一系酒味道太濃而且澀。這個酒味適中，我鍾意。
再黎系黑醋蘋果鵝肝，我自己就一般般，但我D朋友就幾鍾意。
反而個芝麻葉胡椒豬腩紫米飯我就好欣賞，用芝麻葉包住胡椒豬腩和紫米飯再加少少蒜頭一齊食，一流，好fresh，唔油，我哋系咁要求加飯，芝麻葉和蒜頭。
個冰花餃又系佢哋自己包，唔係交貨個種。而且辣椒醬又系自己炒，我哋試左雞肉餃，豬肉餃同齋餃，如果對比起我食過外面餃子專賣店，佢哋有過之而無不及，而且皮夠薄剛剛好。
通常外面都係紙包骨，紙包魚就未見過，我都係第一次食，我冇理由咁老土寫魚有魚味，不過真係好有魚味和好嫩滑。
佢哋隻烤雞，我都系好似電視機裏面啲人講個句“好好食”，通常西式餐廳嘅烤雞d肉好鞋好乾，微溫。但係佢哋啲肉好嫩滑，好有雞味，熱辣辣。切開嗰時，好多肉汁流出，睇見就想食。個靚女廚師話好多客人會特登過嚟食隻雞。
食到呢度，我哋其實已經食得好飽。跟著就系豬仔肶和片片牛小排一齊上。Tataki牛肉好嫩滑，又有肉味，個創意中式醬汁酸酸地，好配。而且牛肉一片片上，唔會畀人覺得好heavy，食食下，食多咗都唔覺。因為真係食得好飽，所以個豬肶仔我食咗少少，唔記得咩味道。
鮮菌意粉和薑汁芥籣就唔多介紹啦。
最後系茉莉橙蛋糕，個蛋糕又系佢哋自己整，好有橙味，唔太甜，剛剛好。我朋友想打包但已經比我哋一早清晒。
總括來講，呢間餐廳係由兩位年青廚師開，佢哋系兩姊妹，以上所有菜都系佢哋自己設計和整，兩個都好有心機，D菜式又特別，真系有私房菜feel， 而且味道仲好好，值得鼓勵和誠意推薦。
張貼
